على سلامة - فرحنى - أشعار أخرى

فرحنى
فرحنى يمكن أفرح يمكن أضحك
يمكن أطلع م اللى أنا فيه
فرحنى يمكن أحلم يمكن أغيّر
يمكن أقول اللى مخبيه
ضحكنى ضحكنى
ضحكنى يمكن أضحك

مش يمكن لسه الدنيا جميلة بجد
ولسه الناس ف الصيف والبرد
ولسه الورد
مش جايز يطلع فيا العيب
مش فيك
زغزغنى
زغزغنى
زغزغنى يمكن أضحك يمكن أفرح
يمكن أطلع م اللى أنا فيه
زغزغنى
زغزنى يمكن أصحى وأقول بالبلدى
وأقول بالفصحى
وإياك ترجع يا بن الناصحة
تقول لى مافيش
زغزغنى
يمكن ينفع أرجع أسمع
دقة قلبى تانى وأعيش
أعيش

منالأخر

بص .. حا أقولك ...
م الأخر ...
أنا عندي عربيه ...
مركبتهاش …
ومعايا فلوس ...
مكسبتهاش ….
وجوزوني بنت حلوة ...
محبتهاش ….
وإشتريت بدلة جديدة ...
ملبستهاش ….
كسرت الحمام وغيرتة
محستش بأي إنتعاش ..
خدت بعضي علي جنب ...
وكان يوم حر ... رطوبة ...
وقولت لروحي ....
إيه ياعم ...
إنت طوبة .....
قاللي لأ ....
يا صحبي دي حسبة ...
ومحسوبة …
أنا أصلي زمان .....
لمست قلبي ..
غنوة حب جميلة ... جميلة
لكن يا خسارة ...
محضنتهاش

حبيبتى

زي القرش الأبيض
في اليوم الطين
زي آخر رغيف عيش
وآخر إسطوانة أوكسجين
وحبة فرح
من زمان باقين
وحبيبتي
مش عبيطة
لأ .. دي عارفة
ومذاكرة الخريطة
من فوق لتحت
وم الشمال لليمين
وحبيبتي
ما أتلقيتش جنب جامع
يعني معاها شهادة ميلاد
معروف أبوها
وأمها مين
وحبيبتي

» ناقص حته - على سلامة
» جتك القرف - على سلامة
» براءة - على سلامة
» مصر والكاميرون - على سلامة
» على سلامة - على باب السفارة